فى عيد الحب.. غادة رجب تطرح أغنية "كل الحب ده"

عادت المطربة غادة رجب، إلى جمهورها ومحبيها، بمناسبة عيد الحب، وطرحت أغنيتها الجديدة "كل الحب ده "، بعد فترة غياب طويلة عن الساحة الغنائية، حيث نشرت فيديو عبر حسابها على موقع التواصل الاجتماعى فيسبوك وقالت فيه: " كل سنة وانتوا طيبين، وكل عيد حب وانتوا بخير، استنوا أغنيتى الجديدة كل الحب ده فى عيد الحب".
يذكر أن غادة رجب قالت عن غيابها: "غيابى كان بسبب الولادة والأمومة ولكن الشغل الحلو هو اللى بيفرض عليكى التواجد، لكن أنا عندى أغانى كتير والفترة الجاية هتنزل، وفى حفلات غنائية كمان".. أغنية "كل الحب ده" من كلمات أمير طعيمة وألحان وتوزيع محمد عاطف الحلو وتقول كلماتها:..

معقوله كل الحب ده .. هو انا بحلم ولا ايه
مقدرش انا على كل ده .. ده كتير عليا اللى احنا فيه
معقول بقيت ليا انا .. شكلي  حبيبي فى يوم دعيت
مفتوحلي فيه باب السما .. خليك هنا على طول ياريت
حبيبي جنبي وبلمسه .. مبقاش خلاص عني بعيد
كل اما حلم نخلصه .. نرجع و نحلم من جديد
هنعيش سوا وانا بوعدك .. وانا عارفه ان الوعد دين
هتعب علشان بس اسعدك .. متخافش ابدا من السنين
الضحكة دي انا شوفتها .. فى خيالي قبل  مشوف عنيك
واهى كل حاجه فى وقتها .. دلوقتي وقت ان أبقى ليك
ويا كل حاجه بحبها .. عمري اللى باقي  ما بين أيديك
ويا جنه لما دخلتها .. نسيتنى كل الدنيا بيك
حبيبي جنبي وبلمسه .. مبقاش خلاص عني بعيد